Оралда ер адам алтыншы қабаттан құлап, қайтыс болды

<p style="text-align: justify;">Оралда ер адам алтыншы қабаттан құлап, мерт болды, деп хабарлайды <a href="/" target="_blank" rel="noopener noreferrer">Egemen.kz</a>.</p>

БҚО полиция департаментінің баспасөз қызметінің мәліметінше, оқиға бүгін түнгі сағат 01.40-та Исатай-Махамбет көшесі 82/1 мекенжайында болған.

1963 жылы туған ер адам терезеден секіріп, өз-өзіне қол жұмсаған. Марқұмның мүрдесі сот-медициналық сараптамаға жіберілді.

Облыстық денсаулық сақтау басқармасы жедел жәрдемге сағат 02.04-те шақырту түскенін, алайда ер адам жедел жәрдем келгенге дейін көз жұмғанын айтады.