Сұркөжектің соңғы мәресі
<p style="text-align: justify;">Шет ауданының ор­талығы Ақсу-Аю­лы кентіндегі архео­ло­гия­лық-этно­графиялық музейде ерекше жәдігер сақ­таулы тұр. Мұ­ра­жайға келушілер аталған экспонаттың жа­нына міндетті түр­де аялдап, қатты қы­зы­ғушылық танытады.</p>
Музейдің төріне қойылған бұл жәдігер – заманында бәйгенің алдын бермеген ерен жүйрік Сұркөжек деген аттың бас сүйегі. Осы аудандағы Талды ауылының тумасы Жұмажан Жахметжанов деген кісіге тиесілі тұлпар жасы жиырмаға келгенше аламанға шауып жүріпті. Бұрынғы Жезқазған облысы бойынша ол озбаған бәйге кемде-кем болған екен.
Жергілікті ақын Марат Шәйкенің «Сұркөжек» атты поэмасында мынадай жолдар бар:
Атағын Сұркөжектің ел білетін,
Бәйгенің алдын бермей кеп жүретін.
Қуандық, Қаракесек, қалың Найман
Ат тумас енді мұндай деп жүретін.
Бұдан бөлек, текті тұлпардың тарихын зерттеуші ақын, филолог, тарихшы Құдайберлі Мырзабек те «Сұркөжек» атты деректі дастан жазып қалдырған.
Сұркөжек аттың басын музейге иесі 2018 жылы тапсырыпты.
Қарағанды облысы,
Шет ауданы