Германия туристерге енгізілген шектеулерді жеңілдетті
<p style="text-align: justify;">Германия туристердің елге кіруіне енгізілген шектеулерді жеңілдетті. Енді COVID-19 жұқтырып, аурудан жазылған және оған қарсы вакцина салдырған туристер шекарадан өткен кезде ПТР-тестінен және карантиннен босатылады, деп хабарлайды <a href="/" target="_blank" rel="noopener noreferrer">Egemen.kz</a>.</p>
13 мамырдан бастап Германия үкіметі коронавирус инфекцияcын жұқтырып, аурудан жазылған немесе инфекцияға қарсы вакцина салдырған туристерге елге кірген кезде ПТР-тест тапсырмауға, сондай-ақ екі апталық оқшаулауды сақтамауға мүмкіндік береді.
Ел билігі еуропалық реттеуші мекеме мақұлдаған - BioNTech / Pfizer, Moderna, AstraZeneca және Johnson & Johnson вакциналарын мойындайды. Ресейлік және қазақстандық препараттар бұл санатқа кірмейді.
Сондай-ақ 48 сағатқа дейін антиденелер сынағын тапсырған немесе 72 сағатқа дейін ПТР-тесті бар туристер карантиннен босатылады. Тек қолайсыз эпидемиологиялық жағдайы бар елдерден келген саяхатшылар оқшаулануы қажет.