Павлодар облысында «Мерейлі отбасы» ұлттық байқауы басталды
<p style="text-align: justify;">2021 жылдың 15 мамыры мен 15 маусымы аралығында өңірде «Мерейлі отбасы» ұлттық байқауының қалалық және облыстық кезеңі өтеді, деп хабарлайды <a href="/" target="_blank" rel="noopener noreferrer">Egemen.kz</a></p>
Павлодар облысының ақпарат және қоғамдық даму басқармасының мәліметі бойынша, ұлттық байқаудың аймақтық кезеңі конкурсқа өзін-өзі ұсыну жолымен, сондай-ақ жергілікті атқарушы органдардың, Қазақстан Республикасының заңнамасында белгіленген тәртіппен тіркелген заңды тұлғалардың ұсынуы бойынша отбасылар қатысады.
– Конкурсқа қатысуға еңбекте, спортта, шығармашылық, зияткерлік, ғылыми жетістіктері бар, сондай-ақ қоғамдық пайдалы қызметке қатысатын (волонтерлік, қайырымдылық, меценаттық, тәлімгерлік) отбасылар жіберіледі. Облыстық кезеңнің жеңімпаз отбасыларына «Мерейлі отбасы» лауреаты атағы, атап айтқанда, диплом және айрықша белгі (статуэтка), беріледі. Сондай-ақ ынталандыру сыйлықтармен марапатталады, – деп жазылған хабарламада.
Конкурсты өткізудің мақсаттары:
- отбасы институтын, адамгершілікті, руханилықты нығайту, ерлі-зайыптылар арасындағы жауапкершілікті арттыру;
- ата-аналардың бала тәрбиелеудегі жауапкершілігін арттыру;
- отбасылық құндылықтарды, кәмелетке толған балаларының еңбекке қабілетсіз және егде жастағы ата-аналарына қамқор болуын дәріптеу және кеңінен насихаттау;
- қазақстандық отбасының жағымды имиджін насихаттау.
Естеріңізге сала кетейік, «Мерейлі отбасы» байқауы Қазақстанда 2014 жылдан бастап өткізіліп жатыр. Оның басты мақсаты – адамгершілік құндылықтарды жаңғырту және отбасы мен некенің жағымды көрінісін қалыптастыру.