Солтүстік өңірлерде 2 градус үсік жүреді
<p style="text-align: justify;">Қазгидромет синоптиктері 20 мамырға арналған ауа райы болжамын жариялады, деп хабарлайды <a href="/" target="_blank" rel="noopener noreferrer">Egemen.kz.</a></p>
«Қазақстан территориясының басым бөлігінде тұрақсыз ауа райы сақталады, атмосфералық фронталды бөліктердің өтуімен кей жерлерде найзағаймен жаңбыр жауады. Еліміздің тек оңтүстік-батысында жауын-шашынсыз ауа райы болады. Республиканың кей жерлерінде тұман, дауыл, желдің күшеюі, бұршақ жаууы ықтимал», делінген ақпаратта.
Шығыс Қазақстан, Жамбыл, Батыс Қазақстан, Солтүстік Қазақстан облыстарының кей жерлерінде дауыл, желдің күшеюі 15-20 м/с жетеді, бұршақ жаууы ықтимал.
Алматы облысында жел екпіні 23-28 м/с жетеді, бұршақ жауады.
Түркістан облысында жел 15-20 м/с, таңертең және күндіз кей жерлерде дауыл соғады.
Павлодар, Қостанай облыстарының кей жерлерінде тұман түсіп, желдің күшеюі 15-20 м/с жетеді.
Маңғыстау облысында тұман түсіп, түнде желдің күшеюі 15-20 м/с жетеді.
Ақмола, Атырау, Қарағанды, Қызылорда, күндіз Ақтөбе облысының кей жерлерінде жел 15-20 м/с, Қарағанды облысында екпіні 25 м/с болады.
Солтүстік Қазақстан, Ақмола, Қарағанды облыстарында түнде 2 градус үсік жүреді.
Қызылорда облысының басым бөлігінде, Атырау облысының кей жерлерінде, Алматы, Шығыс Қазақстан, Павлодар облыстарының жекелеген аудандарында өте жоғары өрт қаупі болуы мүмкін.