Қытайда спорттық марафон кезінде 16 адам қаза тапты
<p style="text-align: justify;">Қытайдың солтүстік-батысында таулы аумақта өтіп жатқан ультрамарафон барысында ауа райы күрт өзгеріп, дауыл тұрып, артынан бұршақты жауын жауған. Соның салдарынан 16 адам қаза тауып, тағы 5-еуі ауруханаға жеткізілген, деп хабарлайды <a href="/" target="_blank" rel="noopener noreferrer">Egemen.kz</a> BAQ.KZ сайтына сілтеме жасап.</p>
Xinhua агенттігінің мәліметінше, сенбі күні түскі сағат 13.00 шамасында ауа райы күрт өзгеріп, найзағай ойнап бұршақты жаңбыр жауған. 100 км-ге жүгіру марафоны таңертең Байинь қаласы маңында бастау алған. Алайда ауа райының қолайсыздығына байланысты жарыс тоқтатылған. Құтқару жұмысына 700-ге жуық адам жұмылдырылған, олар 151 адамды қауіпсіз жерге көшіріпті. Сондай-ақ 16 адамның денесін тапқан.
Қазір марафонға қатысушылардың барлығы қауіпсіз жерге жеткізілген, оның ішінде бес адам ауруханаға түскен.