440 мыңнан аса отбасы жәрдемақы алды
<p style="text-align: justify;">2021 жылғы қаңтардан сәуірге дейін көпбалалы отбасыларға берілетін мемлекеттік жәрдемақы төлемдерімен жалпы сомасы 92,8 млрд теңгені құрады. Орта есеппен Қазақстандағы 440,1 мың отбасы жәрдемақы алды, деп хабарлайды <a href="/" target="_blank" rel="noopener noreferrer">Egemen.kz</a> Еңбек және халықты әлеуметтік қорғау министрлігінің баспасөз қызметіне сілтеме жасап.</p>
Баспасөз қызметінің мәліметтеріне қарағанда, 2021 жылғы сәуірде жәрдемақының бұл түрін 448,9 мың отбасы алды. Оларға беріген қаржы 23,6 млрд теңгені құрады. Аталған мемлекеттік жәрдемақыға 4 және одан да көп бірге тұратын кәмелетке толмаған немесе 23 жасқа дейінгі күндізгі бөлімде оқитын студент балалары бар отбасылар табысына қарамастан үміткер бола алады.
Төлемдердің мөлшері балалар санына байланысты сараланған:
4 балаға – 46 760 теңге,
5 балаға – 58 457 теңге,
6 балаға – 70 154 теңге,
7 балаға – 81 852 теңге,
8 балаға – 93 344 теңге,
9 балаға – 105 012 теңге,
10 балаға – 116 680 теңге,
11 балаға – 128 348 теңге,
12 балаға – 140 016 теңге,
13 балаға – 151 684 теңге,
14 балаға – 163 теңге 352 теңге,
15 балаға – 175 020 теңге,
16 балаға – 186 688 теңге.
Еске сала кетейік, көпбалалы отбасыларға олардың кірістерін есепке алмай берілетін жаңа мемлекеттік жәрдемақы Қазақстанда 2020 жылдың 1 қаңтарынан бастап атаулы әлеуметтік көмек көрсетудің жаңа тетіктерінде көзделген табысы аз және көпбалалы отбасыларды қолдаудың үш негізгі бағыты шеңберінде енгізілген болатын.