Алтай Көлгінов педагогтармен бірге вакцина салдырды
<p style="text-align: justify;">Нұр-Сұлтан қаласының әкімі Алтай Көлгінов <a href="https://www.instagram.com/p/CPSECb-nOr8/?utm_medium=copy_link">Instagram</a> парақшасында коронавирусқа қарсы вакцина алғанын мәлім етті, деп хабарлайды <a href="/" target="_blank" rel="noopener noreferrer">Egemen.kz</a>.</p>
«Бүгін мектептерде соңғы қоңырау! 2020 жылдың көктемінен бастап мұғалімдер мен оқушылар қашықтан оқу форматына көшті. Осы уақыт ішінде көптеген адамдар үйреншікті оқыту форматы - офлайн режимін сағынып үлгерді.
Жаңа оқу жылында мектеп оқушылары мен мұғалімдер бұрынғы оқыту форматына оралуы үшін бәріміз covid-2019-дан ұжымдық иммунитетті қалыптастыруымыз керек.
Мұғалімдермен бірге коронавирусқа қарсы екпе алдым. Халыққа ыңғайлы болу және вакцинациямен көбірек қамту үшін қалада медициналық ұйымдарда егу пункттерінің саны 100-ге дейін артты. Сондай-ақ ірі СОО және т. б. қосымша вакцинация пункттері ашылды. Көшпелі бригадалар еңбек ұжымдарын егеді», деп жазды елорда әкімі.
Сонымен қатар жаз – дәстүрлі демалыс маусымы. Вакцинация өзіңізді де, айналаңыздағы адамдарды да қорғайды.
«Санитарлық нормаларды сақтау және ұжымдық иммунитетті қалыптастыру арқылы ғана біз бұрынғы өмір ырғағына қайта ораламыз: бетперде, карантиндік шектеулер мен қашықтан жұмыс/жаттығуларсыз. Соңғы тармақ бойынша білім сапасы артады. Дегенмен мұғалімдердің оқушыларымызды оффлайн режимде оқытуы маңызды!», деді Алтай Көлгінов.