Сайрамкез – күміс жүлдегер
<p style="text-align: justify;">Өзбекстан астанасы Ташкентте өтіп жатқан ауыр атлетикадан жасөс­пі­рімдер ара­сындағы әлем чемпио­на­тының кезекті күнінде ел қоржыны екі жүл­демен толықты.</p>
Жасөспірімдер арасындағы жаһандық додада 67 кило салмақта сынға түскен отандасымыз Ақмолда Сайрамкез әлем біріншілігінің күміс жүлдесіне ие болды. Қоссайыс нәтижесі бойынша ол 308 (132+176) килоны бағындырды. Аталған салмақта Түркия спортшысы Өзбек Фуркан 317 кило зілтемірді еңсеріп, әлем чемпионы атанса, отандасы Генч Юсуф 301 киломен үздік үштікті қорытындылады.
Сондай-ақ қыздар арасында бақ сынаған Гүлнұр Ыбырай қола жүлдені жеңіп алды. 64 килоға дейінгі салмақта өнер көрсеткен қандасымыз екі бағдарламада 205 (90+115) килоны көтерді. Айта кетейік, Ташкенттегі тартыстың алғашқы күнінде Абылай Әуелханов (55 кг) чемпион атанған болатын.