Атырауда түн ортасында ата-анасы баласын жалғыз қалдырған

<p style="text-align: justify;">Үйінде жалғыз қалған бес жасар бала түн ортасында балконға шығып, жылап тұрған, деп хабарлайды <a href="/" target="_blank" rel="noopener noreferrer">Egemen.kz</a></p>

Бұл туралы облыстық төтенше жағдайлар департаментіне түнгі сағат 02:53-те хабар беріліпті.

«Жедел құтқару жасағының құтқарушылары Атырау қаласының Авангард-3 шағын ауданындағы №38 үйдің балконында 5 жасар бала жылап тұрғанын анықтады.

Бес жасар баланы ата-анасы үйде қараусыз қалдырған. Балконға өрт сөндіруге арналған автосатымен көтерілген жасақ құтқарушылары баланы құтқарып, полиция қызметкерлеріне тапсырды» деп хабарлады департаменттің баспасөз қызметі.

Кейіннен анасы баласын үйіне алып кеткені белгілі болды.