Парижде екі жерлесіміз ғана қалды
<p style="text-align: justify;">Теннистен Парижде өтіп жатқан «Ролан Гаррос» турнирінде бес жер­ле­сіміз өнер көрсеткенімен, солардың үшеуі ал­ғашқы айналымнан аса алмады.</p>
Бұған дейін біз Александр Бубликтің ресейлік Данил Медведевтен және Михаил Кукушкиннің испаниялық Алехандро Давидович-Фокинадан жеңілгені жайында жазған едік. Көп ұзамай Юлия Путинцева сүрінді. Ол тунистік Онс Жабермен ойнады. 26 жастағы қарсыласы бұл күндері әлемдік рейтингте 22-орында тұр. Былтыр ол Аустралияның ашық біріншілігінде ширек финалға дейін жетіп, «Ролан Гарростың» төртінші кезеңіне шыққан. Міне, осындай сақа спортшыға Путинцеваның әлі жетпеді – 5:7, 2:6.
Сөйтіп жарыс жолында екі жерлесіміз ғана қалды. Бүгін Елена Рыбакина жапониялық Нао Хибиномен шеберлік байқасады. Ал Зарина Диас әлемдік рейтингте 14-орында тұрған бельгиялық Элисе Мертенспен кездеседі.