Атырауда дәмханалардың жұмыс кестесі өзгерді
<p style="text-align: justify;"><span class="s2"><span class="bumpedFont15">О</span></span><span class="s2"><span class="bumpedFont15">блыстың бас санитар дәрігері Мәдениет Танау</span></span><span class="s2"><span class="bumpedFont15">овтың жаңа қаулыға қол қойды, деп хабарлайды <a href="https://egemen.kz/">Egemen.kz.</a></span></span></p>
Қаулы бойынша, дәмханалар мен мейрамханалардың түн ортасына дейін жұмыс істеуіне рұқсат берілді.
«Қоғамдық тамақтану объектілеріне, оның ішінде жазғы алаңқайларда сағат 07.00-ден 24.00-ге дейін (ұжымдық іс-шаралар өткізбей, 50-ден аспайтын отыратын орын орнатып, үстелдер арасындағы қашықтық кемінде 2 метр сақталуын, бір үстелде 4 адамнан артық отырғызбауды қамтамасыз етіп) жұмыс жасауға рұқсат етіледі», делінген қаулыда.
Қаулыда сауналардың жексенбіде жұмыс істеуіне тыйым салынып отыр. Алаңдарда, парктер мен скверлерде, жағалауларда балалар мен ересектерге арналған жылжымалы ойын құралдарын жалға берудің, уақытша бөлшек сауданың орналасу орны мен жұмыс кестесі жергілікті атқарушы органдармен келісу бойынша анықталады.
Жаңа қаулы бүгін, 4 маусымда сағат 00:00-ден бастап заңды күшіне енді.