Ұлттық құндылық – тәрбие өзегі
<p style="text-align: justify;">Қазақстан Республикасының Тұңғыш Президенті – Елбасы Н.Назарбаев «Болашаққа бағ­дар: рухани жаңғыру» атты ма­қаласында: «Біз жат идео­ло­гиялардың әсері туралы айт­­қанда, олардың артында бас­қа халықтардың белгілі бір құн­­дылықтары мен мәдени сим­вол­дары тұрғанын есте ұста­­уымыз керек. Тиісінше, олар­­ға өзіміздің ұлттық құнды­лық­тарымыз арқылы ғана төтеп бере аламыз» деген болатын.</p> <p style="text-align: justify;"> </p>
Жоғарыда Нұрсұлтан Әбішұлы айтқан ұлттық құндылық ұлттық тәрбие арқылы қалыптасары анық. Осы орайда, «Рухани жаңғыру» Қазақстандық қоғамдық даму институты ұлттық құндылықты қалыптастыруға байланысты тұжырымдама әзірлеуде. Осындағы басым бағыттың бірі – мeктeпкe дeйiн жәнe мeктeп жacындaғы жасөспірімдерді pухaни-aдaмгepшiлiкке тәрбиелеу ісі қолға алынуда.
«Рухани жаңғыру» қазақстандық қоғамдық даму институты КеАҚ «Рухани жаңғыру» орталығының басшысы Жанар Боқанованың пікірінше, ұлттық құндылықтарымызды ұлт болашағының негізгі діңгегі ету «Рухани жаңғыру» бағдарламасының басты өзегі екен. Өйткені халқымызда үлкенге құрмет, кішіге ізет, сыпайылық, қарапайымдылық, бейбіт қарым-қатынас, жауапкершілік, қонақжайлылық сынды қасиеттер ұрпақтан-ұрпаққа беріліп келе жатқан мызғымас тәрбие негіздері екені анық.
Өкінішке қарай, қазіргі таңда заманауи жаһандық тәрбие үлгілері біздің ұлттық тәрбиемізге тікелей әсер етуде. Оның кері салдары да баршылық. Мысалы, өткен жылдың қаңтар мен маусым айлары аралағында 45 036 неке тіркелсе оның 12 747-сі
ажырасқан. Яғни елімізде әрбір үшінші отбасының некесі бұзылуда.
Оның сыртында бүгінгі пандемиялық ахуал бүкіл әлемде құндылықтар алмасуына әсер етіп отыр. Бұл өзгерістен еліміз сырт қалмайтыны шын. Осыған байланысты, 2021 жылы Ulttyq tárbıe идеологиялық платформасы бойынша ақпараттық және әдістемелік материалдар кешенін әзірлеу жұмыстары басталды.
Аталған жобаның мақсаты – ұлттық құндылықтарды сақтай отырып, бәсекеге қабілетті, жан-жақты дамыған, адамгершілік тұрғысынан кемелденген тұлғаны қалыптастыру.
«Рухани жаңғыру» Қазақстандық қоғамдық даму институты мамандарының айтуынша, жоғарыдағы жоба аясында отбасында үйлесімді қарым-қатынасты насихаттауға бағытталған педагогика және психология саласында тәжірибелі мамандардың қатысуымен бейнедәрістер түсіру, отбасылық құндылықтар туралы бейнероликтер тарату, мемлекеттік қолдау жүйесін халыққа түсіндіруге бағытталған бейнероликтер әзірлеу көзделген көрінеді.
Сонымен қатар жастар арасында ұлттық салт-дәстүрлерді дәріптеу үшін сыныптан тыс іс-шаралар сценарийлерінің, театрлық қойылымдардың, танымдық квесттердің және Dästür start зияткерлік ойындарының электронды брошюрасын әзірлеу, ата-аналарға арналған «Баланы еңбекқорлыққа қалай тәрбиелейміз?» атты қалта нұсқаулығын дайындау, 5-7 сынып оқушыларына арналған «Туған елің – Қазақстанды жақсы білесің бе?» атты республикалық балалар оқулары байқауын, оқулықтар мен квест ойындарын ұйымдастыру шарасы қолға алынып отыр екен.
«Жастарға рухани-адамгершілік тәрбие беруде Абайдың «толық адам» ілімін үйретудің маңызы зор. Себебі әрбір адамның рухани жетілуінің бірден-бір түйіні осы ілімде жатыр. Оның мәні – сүйіспеншілік, ізгілік, қайырымдылық, имандылық әрекеттер, өмірдің мәнін ұғыну, өмірлік мақсат қою және жалпы адамгершілік қасиеттерді адам бойында жетілдіру болып табылады. Шындап келгенде, «Толық адам» тұжырымдамасы өміріміздің кез келген саласының, мемлекетті басқару мен білім жүйесінің, бизнес пен отбасы институттарының негізгі тұғырына айналуы керек», дейді «Рухани жаңғыру» орталығының басшысы.