Қызылорда облысында 106 екпе бөлмесі жұмыс істейді
<p style="text-align: justify;">Вакцина салдыруға қажетті 106 екпе бөлмесінің 91-і ауылдық жерде орналасқан. Мұнан бөлек, шалғай ауылдардағы тұрғындарға екпе салу үшін 39 мобильді топ жұмыс жүргізуде, деп хабарлайды <a href="/" target="_blank" rel="noopener noreferrer">Egemen.kz</a>.</p>
Ал 1 ақпаннан бері облысқа QazVac-in, HayatVax, Спутник-V вакцинасының 129050 І компоненті келіп, 74 пайызы салынған. Ал, ІІ компоненттен 87300 доза жеткізіліп, 46,8%-ы егілген.
Бұл туралы бүгін ҚР Президенті жанындағы Орталық коммуникациялар қызметінің баспасөз конференциясында Қызылорда облысының әкімі Гүлшара Әбдіқалықова аймақтың әлеуметтік-экономикалық дамуы туралы есебінде айтып өтті.
Аймақ басшысы коронавируспен күрес бағытында атқарылған нақты жұмыстарды саралады. Кешенді шараларды уақытылы ұйымдастыру нәтижесінде өңірде дәрі-дәрмектің 2 айлық қоры жасақталып, жергілікті бюджеттен 488 млн теңге бөлінген. Неғұрлым сұранысқа ие дәрілік заттар мен медициналық бұйымдардың бағасын бақылауға мониторинг тұрақты жүргізілген.