Алматы тұрғыны бұрынғы әйелін көлікпен басып кетті

<p style="text-align: justify;">Алматыда ер адам бұрынғы әйелін көлікпен басып кетті, деп хабарлайды <a href="/" target="_blank" rel="noopener noreferrer">Egemen.kz</a>.</p>

Оқиға 17 маусым күні кешке болған. Жедел-жәрдем мен полицияны Жетісу ауданының тұрғындары шақырған.

Қалалық полиция департаменті мәліметінше, бұрынғы күйеуіне жас келіншек өзі келген.

«Ол күйеуінен көлікті тұраққа дейін айдап баруды өтінген. Ер адам рульге отырған кезде, әйел қозғалып бара жатқан көлікке отырмақшы болған. Сол кезде оны көлік басып кеткен. Сонымен қатар ер адамның мас болғаны және жүргізуші куәлігі жоқ екені анықталды», деп хабарлады полициядан. Полиция аталған дерек бойынша тексеруді бастады.