Атырауда 70 мыңға жуық адам вакцина салдырды
<p style="text-align: justify;"><span class="s2"><span class="bumpedFont15">Бұл туралы Атырау </span></span><span class="s2"><span class="bumpedFont15">облысының әк</span></span><span class="s2"><span class="bumpedFont15">імі Махамбет Досмұхамбетов мәлім етті, деп хабарлайды <a href="/" target="_blank" rel="noopener noreferrer">Egemen.kz</a>.</span></span></p>
Әкімнің мәліметінше, Атырауда 385 нысан «Ashyq» жобасына қосылды.
«Біздің облыс 26 мамырдан бері «сары аймаққа» енді. Қазір инфекциялық төсек-орынның жүктемесі 16 пайызды құрайды. Ем алып жатқан науқастардың саны – 337. Облыста 12 стационарда 2 098 науқасқа арналған инфекциялық төсек-орын жасақталған. Оның 81-і реанимациялық орын. Қосымша 750 резервтік төсек-орын дайындалды», деді Махамбет Досмұхамбетов.
Оның айтуына қарағанда, 1 ақпаннан бері өңірге 111 200 доза вакцина жеткізілді. Қазір облыста вакцина салатын 41 екпе бекеті ашылды.
«Бүгінде 69 304 адам вакцинаның I компонентін, 27 569 адам II компонентін салдырды. Өңірде қазіргі кезде 385 субъект «Ashyq» қосымшасын енгізіп, QR-кодпен жұмыс істеуде», деді облыс әкімі.