Баласын қараусыз қалдырған ана жазаланды
<p style="text-align: justify;">Павлодар облысы Успен ауданында полицейлер «Тұрмыс» жедел алдын алу іс-шарасын өткізу барысында кәмелетке толмаған баласын тәрбиелеу және күтіп-бағу жөніндегі міндеттерін орындамаған ата-ананы анықтады, деп хабарлайды <a href="/" target="_blank" rel="noopener noreferrer">Egemen.kz</a>.</p>
- Қоңырөзек ауылының тұрғыны 15 жасар баласын үйде қалдырып, өзі Успен ауылына кеткені және ол жерде таныстарымен бірге спирттік ішімдіктер ішкені анықталды. Ата-анасы екі апта болмаған кезде бала қаңғып жүрген. Аталған фактіні учаскелік инспектор анықтады, - деді аудандық полиция бастығының бірінші орынбасары Әсет Садықов.
Полицейлер баласын қараусыз қалдырған әйелді тауып, ата-аналық міндеттерін орындамағаны үшін Қазақстан Республикасы ӘҚБтК-нің 127-бабының 1-бөлімі бойынша әкімшілік жауапкершілікке тартты. Бұдан басқа, енді отбасы қолайсыз ретінде профилактикалық есепке қойылды.