Вакцина салдырған студенттерге қандай жеңілдіктер жасалады?
<p style="text-align: justify;"><span class="s5"><span class="bumpedFont15">Қазақстандық</span></span> <span class="s5"><span class="bumpedFont15">жоғары</span></span> <span class="s5"><span class="bumpedFont15">оқу</span></span> <span class="s5"><span class="bumpedFont15">орындары</span></span><span class="s5"><span class="bumpedFont15"> ҚР </span></span><span class="s5"><span class="bumpedFont15">Білім </span></span><span class="s5"><span class="bumpedFont15">және </span></span><span class="s5"><span class="bumpedFont15">ғылым</span></span> <span class="s5"><span class="bumpedFont15">министрі</span></span><span class="s5"><span class="bumpedFont15"> А. </span></span><span class="s5"><span class="bumpedFont15">Аймағамбетовтің </span></span><span class="s5"><span class="bumpedFont15">тапсырмасы</span></span> <span class="s5"><span class="bumpedFont15">бойынша</span></span> <span class="s5"><span class="bumpedFont15">ЖОО</span></span> <span class="s5"><span class="bumpedFont15">білім</span></span> <span class="s5"><span class="bumpedFont15">алушылары </span></span><span class="s5"><span class="bumpedFont15">арасында</span></span> <span class="s5"><span class="bumpedFont15">вакцинацияны</span></span> <span class="s5"><span class="bumpedFont15">қолдау</span></span> <span class="s5"><span class="bumpedFont15">акциясын </span></span><span class="s5"><span class="bumpedFont15">бастайды, деп хабарлайды <a href="/" target="_blank" rel="noopener noreferrer">Egemen.kz</a>.</span></span></p>
COVID–19 індетіне қарсы екпе алған студенттер жоғары оқу орындарының мүмкіндіктеріне байланысты оқуға, жатақханаларда тұруға жеңілдіктер алып, түрлі сыйлықтарға ие болады.
Осылайша, жоғары оқу орындары халықтың денсаулығын қорғау үшін вакцинациялау қарқынын күшейту жөніндегі жұмысты қолдайды. Тек студенттер ғана емес, сонымен қатар жоғары оқу орындарының екпе салдырған оқытушылары да материалдық материалдық ынталандыруға ие болады.
Әл-Фараби атындағы ҚазҰУ, Л.Н. Гумилев атындағы ЕҰУ, Абай атындағы ҚазҰПУ, Қ.И. Сәтбаев атындағы ҚазҰТЗУ, М. Әуезов атындағы ОҚУ, М. Өтемісов атындағы БҚУ, Х. Досмұхамедов атындағы Атырау университеті вакцинациялауды қолдау бойынша акцияларды бастап кетті. Бірқатар жоғары оқу орнының студенттері үшін оқуға, жатақханаларда тұруға жеңілдіктер, сауықтыру шипажайларына тегін жолдамалар, тегін тамақтану және қоғамдық көлікті пайдалану талондары қарастырылған.
Сондай-ақ жоғары оқу орындары вакцинацияланған студенттер үшін шет тілдері, компьютерлік сауаттылық және кәсіпкерлік дағдыларды дамытатын тегін курстар ұйымдастыруды жоспарлап отыр. Сонымен қатар екпе салдырған кейбір университеттердің студенттері фитнес залдарына, бассейнге, театрға, кинотеатрға және концерттерге тегін бара алады.
Аталған жоғары оқу орындарының оқытушылары да назардан тыс қалмады. Вакцинацияланған оқытушылар қосымша ақы немесе ақылы демалыс алады.
«Жоғары оқу орындарын коронавирустың елде таралуы алаңдатып отыр. Вакцинация мәселелері мен оның шешілу жолдарын жоғары оқу орындарының өздері қабылдайды. Министрдің тапсырмасы бойынша жоғары оқу орындары студенттер мен оқытушыларды вакцинациялауға шақырып, ынталандыру бойынша шаралар қабылдап жатыр. Бұл акция біздің азаматтардың санасын оятуға көмектеседі деп сенеміз. Біз бірлесе отырып, қауіпті вирусты жеңе аламыз және карантин мүмкіндігінше тез аяқталады деп үміттенеміз. Басқа жоғары оқу орындарын да вакцинацияны қолдау үшін ынталандыру шараларын ұйымдастыруға шақырамыз. Себебі бұл коронавирустың таралуын тоқтатудың жалғыз жолы», деп атап өтті Білім және ғылым вице-министрі Қуаныш Ерғалиев.