Шетелдіктерді заңсыз жұмысқа алғандар жауапқа тартылды
<p style="text-align: justify;">Шетелдіктерді заңсыз жұмысқа алған СҚО-ның 32 тұрғыны жауапқа тартылды, деп хабарлайды <a href="/" target="_blank" rel="noopener noreferrer">Egemen.kz.</a></p>
СҚО аумағында 5 815 шетел азаматы және азаматтығы жоқ 255 адам тіркелген. Алты айдың ішінде көші-қон нормаларын 293 солтүстікқазақстандық бұзған.
Қазақстан Республикасы аумағында болу ережелерін елімізге келген 219 шетелдік бұзған. Елімізде болу ережелерін бірнеше рет бұзған 24 шетелдік шығарылды. Сондай-ақ шетел жұмыс күштерін заңсыз тартудың 32 фактісі анықталды. Олар көбіне жеке тұлғалардың үйлеріне жұмысқа орналасады. Қазіргі кезде шетел азаматтарын құжаттандыру бойынша жұмыс жалғасуда.
«Көші-қон мәселелері бойынша кеңес алу үшін біздің мамандарға жүгінуге болады», дейді СҚО ПД Көші-қон қызметі басқармасының бастығы Талғат Әбілов.
Айта кетсек, шете азаматтары Қазақстанға келген жағдайда, үш жұмыс күні ішінде көші-қон қызметін хабардар ету қажет. Электрондық-цифрлық қолтаңба болған жағдайда, визалық-көші-қон порталы арқылы, үйден шықпай-ақ тіркеуге болады. Сонымен қатар басқа мемлекет азаматының елімізде уақытша болу мерзімі асып кетіп, оны ұзартуға немесе ҚР шығуға шаралар қабылдамаған жағдайда, келушімен бірге қабылдаушы тарап та жауапкершілікке тартылады.