Тарих таңдаған елорда
<p style="text-align: justify;">Қазақстан Республикасы Тәуелсіздігінің 30 жылдығы және еліміздің астанасы Нұр-Сұлтан қаласының туған күніне орай, Қазақстан Республикасы Мәдениет және спорт министрлігі Қолжазбалар және сирек кітаптар ұлттық орталығы мен қалалық архив мекемесі бірлесіп «Тарих таңдаған елорда» атты көрме ұйымдастырды.</p>
Аталмыш көрме XIX ғасырдан бастап қазіргі күнге дейінгі елорданың тарихын баяндайтын архивтік құжаттар мен сирек кітаптардан құралған екен. Атап айтатын болсақ, Ұлттық орталықтың қорында сақтаулы «Известия» газетінің 1918-1921 жылдар аралығында жарық көрген әр санында бірінші дүниежүзілік соғыс кезеңіндегі қазақ елінің жағдайы және 1921-1922 жылдары аралығында еліміздің кейбір облыстарын қамтыған ашаршылықты баян ететін тақырыптар бар.
Сондай-ақ көрермен көрме сөресінен Нұр-Сұлтан қаласы мемлекеттік архивінің қорында сақтаулы құжаттарды тамашалай алады. Бұлардың арасынан Ақмоланың алғаш әскери бекініс ретінде салынуын, қалыптасуын кезең-кезеңімен сипаттайтын фото-архивтік құжаттар көпшілік назарын аударды. «Көрме шілде айының соңына дейін жалғасады», дейді ұйымдастырушылар.