Нұр-Сұлтандағы Амфитеатрда бес елдің танымал әртістері өнер көрсетті
<p style="text-align: justify;">Елорда күнін мерекелеуге орай 5 және 6 шілде күндері «Астана Опера» мемлекеттік опера және балет театры қала тұрғындары мен қонақтарына музыкалық сый жасады. Олар екі күн қатарынан «Дон Паскуале» операсы мен гала-концерт өткізді. Оған отандық әртістер де, бес елдің халықаралық деңгейдегі шетелдік орындаушылары да қатысты, деп хабарлайды Нұр-Сұлтан әкімдігінің ресми сайты.</p>
Концерттерді елорда әкімдігі мен ҚР Мәдениет және спорт министрлігі ұйымдастырды.
Сонымен көрермендер Гаэтано Доницеттидің екі актілі «Дон Паскуале» операсын тегін тамашалады.
Қойылымның басты партияларын қойғандар:
Норина – Либуше Санторисова (Чехия);
Эрнесто – Эцуо Дои (Жапония);
Малатеста – Алексей Шаповалов (Ресей);
Дон Паскуале – Антуан Бернхейм (Швейцария);
Карлито – Ерұлан Камел орындады.
Дирижер — Коррадо Вальво (Италия).
«Халықаралық деңгейдегі, аса талантты әншілермен алғаш рет жұмыс істеп отырмын. Мұндай қойылымдарда, әсіресе ашық далада әншілер мен оркестр арасында дұрыс тепе-теңдікті табу қиын», деп маэстро Коррадо Вальво (Италия) өз әсерімен бөлісті.
Айта кетейік, әртістер келесі күні халықаралық құраммен бірге амфитеатрда Гала-концерт қойды. Сахнада танымал опералық ариялар мен дуэттер, қазақстандық авторлар мен батыс еуропалық классик-композиторлардың аспаптық және хор шығармалары орындалды.
Бағдарламаны ұйымдастырушылар санитарлық талаптар мен нормалардың сақталуын қатаң қадағалады. Көрермендер стендтерге тек бетперде тағып, Ashyq жүйесі арқылы кіргізілді.