Түркістандықтармен кездесті
<p style="text-align: justify;">Сенаторлар Әли Бектаев пен Әлімжан Құртаев Түркістан облысының тұрғындарымен кездесуде Палатаның өткен сессиядағы жұмысының қорытындысы туралы айтып берді, деп хабарлады Сенаттың баспасөз қызметі.</p>
Кездесуге мәслихат депутаттары, зиялы қауым, қоғамдық ұйымдар мен саяси партиялар, шағын және орта бизнес өкілдері, сондай-ақ Түркістан және Кентау қалалары бұқаралық ақпарат құралдарының өкілдері қатысты.
Сенаторлар кездесу кезінде өткен сессия барысында еліміздің дамуы үшін аса маңызды заңдар қабылданғанын және бірқатар заң Президент Қасым-Жомарт Тоқаевтың тапсырмаларын іске асыру аясында әзірленгенін атап өтті.
Мәслихат депутаттары мен жұртшылық өкілдері ауыл шаруашылығы мақсатындағы жерлерді жеке меншікке алу мен жалға беруге, жайылымдарды пайдалануға, шағын және орта бизнесті дамытуға байланысты мәселелерді көтерді. Сенаторлар бұл мәселелерді одан әрі шешу үшін тиісті мемлекеттік органдармен жұмыс істеуге ниеттеніп отырғанын атап өтті.