Жастар ағартушылық эко-қозғалыстарға қатысты
<p style="text-align: justify;">Қазақстанның барлық өңірлерінде Kieli tabigat республикалық жобасы шеңберінде жастардың 17 ғылыми-ағартушылық эко-қозғалыстары құрылды.</p>
Атап айтқанда, 1000-нан астам жас эко-волонтер ретінде ақпараттық-түсіндіру жұмыстарын жүргізіп, түрлі экологиялық акциялар ұйымдастыруда. Барлық іс-шаралар санитарлық-эпидемиялық нормаларды қатаң сақтай отырып өтуде. Жас қазақстандықтар эко-волонтерлік және экологиялық саналы өмір салтын жүргізу бойынша онлайн-оқыту курстарынан өтті. Оларды оқыту үшін Қазақстанның экологиялық қозғалыстарының көшбасшылары шақырылып, эко-волонтерлік, қатты тұрмыстық қалдықтарды сұрыптау, эко-софия негіздері, су ресурстарын үнемдеу технологиялары және үйді экологияландыру тақырыптары бойынша семинарлар өткізді.
Бұдан басқа, экологиялық мәдениет бойынша ЭкоLife Challenge республикалық онлайн-конкурсы өтіп, «Гринэйка оқиғалары» ертегілер сериясын жазу бойынша жұмыс жүргізілуде. Сондай-ақ қатты тұрмыстық қалдықтардан жасалған инсталляциялар бойынша From waste to art конкурсын, World Cleanup day Дүниежүзілік экологиялық акциясын және т.б. шараларды өткізу жоспарланып отыр.
«Егемен-ақпарат»