Игі бастамаларға қолдау білдірді
<p style="text-align: justify;">Елордада Ақпарат және қоғамдық даму министрлігінің қолдауымен «Отандастар қоры» КеАҚ Мемлекет басшысы Қ.Тоқаевтың «Халық бірлігі және жүйелі реформалар – ел өркендеуінің берік негізі» атты Қазақстан халқына Жолдауының негізгі ережелерін талқылауға арналған онлайн-конференция өткізді.</p>
Іс-шараға барлық өңірлердегі «Отандастар қоры» КеАҚ фронт-кеңселерінің өкілдері мен қандастар қатысты. Талқылау барысында Президенттің көші-қон саясатының жаңа тұжырымдамасын әзірлеу жөніндегі бастамалары атап өтілді.
Осылайша, қатысушылар оңтүстіктен солтүстікке қоныс аударған азаматтарға жәрдемақыларды бөлу тәсілдерін қайта қарау, сондай-ақ қоныс аударушы азаматтарға үй салу, ауыл шаруашылығымен айналысу үшін жер учаскелерін беру мүмкіндігін қарау, жайылымдық алқаптарды бөлу механизмдерін қайта қарастыру қажет екендігімен келісті.
Қатысушылар Президенттің Жолдауы тарихи отанына келген қандастардың бейімделуіне ықпал ететін өзекті мәселелерді көтерді деген пікірге келді.
«Егемен-ақпарат»