Гвинеяда көтеріліс болды
<p style="text-align: justify;">Гвинеяда әскердің арнайы жа­сағы мем­ле­кеттік төңкеріс жа­­сап, 83 жастағы президент Альфа Кон­дені қа­мауға ал­ды. Бұл оқиғаны халық­ара­­лық қоғамдастық айыптады.</p>
Төңкеріс жетекшісі және елдің арнайы күштерінің бастығы, полковник Мамади Думбуя жексенбіде штаттық трансляцияларда елдің конституциясы тоқтатылғанын, үкімет таратылғанын және шекаралар жабылғанын, елде коменданттық сағат енгізілгенін хабарлады.
Думбуяның айтуынша, барлық саяси тұтқын босатылған. Сондай-ақ билік 18 ай ішінде уақытша үкіметке беріледі. Осылайша, 11 жыл бойы ел басқарған 83 жастағы президент биліктен кетті.
«Егер элита халықтың пікірін ескеріп, жағдайын жасамаса, онда халыққа бостандық әперу әскердің қолында», деді Думбуя.
Толқулар басталғаннан кейін президент қайта көрінген жоқ. Бірақ әлеуметтік желілерде таралған суреттер мен кадрларда жалаңаяқ, джинсы шалбар мен жартылай ашық көйлек киген оның диванға сүйеніп тұрғаны, әскерлердің қоршап алғаны көрінеді.
Думбуя президенттің және басқа да жоғары лауазымды шенеуніктердің қамауға алынғанын хабарлады. Сондай-ақ ол министрлер мен мекеме басшыларын кездесуге шақырып, келмегендерге жаза қолданылатынын ескертті.