Павлодарда көлік өртенді

<p style="text-align: justify;">Өртті сөндіруге жеке құрамнан 10 адам мен үш техника жұмылдырылды, деп хабарлайды <a href="/" target="_blank" rel="noopener noreferrer">Egemen.kz</a>.</p>

Облыстық ТЖД баспасөз қызметінің мәліметінше, 8 қыркүйек күні сағат 22.31-де Центральная промзона көшесі, 395/1 мекенжайы бойынша өрт туралы хабарлама түскен.

– 1998 жылы шыққан Toyota Land Cruiser 100 автокөлігінде жалпы ауданы 4 шаршы метр болатын мотор бөлігі, құралдар панелі толығымен жанып кетті. 10 шаршы метр алаңға жанар-жағармай төгілген, – деп жазылған хабарламада.

Қаза болғандар мен зардап шеккендер жоқ.

Өрт сағат 23.01-де сөндірілді. Көліктің жануына электр сымдарының қысқа тұйықталуы себеп болған.