Зеленский тағы да АҚШ-қа баруды жоспарлап отыр
<p class="mt-5" style="text-align: justify;">Украина Президенті Владимир Зеленский қыркүйек айының соңында БҰҰ Бас Ассамблеясының 76-сессиясының отырысына қатысу үшін Нью-Йоркке баруды жоспарлап отыр, деп жазады <a href="/" target="_blank" rel="noopener noreferrer">Egemen.kz</a>.</p>
Бұл туралы Мемлекет басшысының баспасөз хатшысы Сергей Никифоров Ukrinform-ға берген түсініктемесінде хабарлады.
«Біз Президенттің Нью-Йоркке сапарын шынымен жоспарлап жатырмыз, оның нақты бағдарламасы туралы кейінірек хабарлаймыз», деді С. Никифоров.
Біріккен Ұлттар Ұйымы Бас Ассамблеясының 76-сессиясының жалпы дебаты 21-27 қыркүйекте өтеді.
Зеленский 2019 жылы Нью-Йоркке барып, 74 -сессияның жалпы дебатында БҰҰ Бас Ассамблеясының мінберінде сөйлеген еді.
Еске салайық, Зеленский өткен аптада ғана АҚШ-та болды және Джо Байденмен келіссөздер жүргізді.