БҚО мектептерінде 130 оқушыдан коронавирус анықталды
<p style="text-align: justify;">Батыс Қазақстан облысында жаңа оқу жылы басталғаннан бері 130 оқушыдан коронавирус анықталды, деп хабарлайды <a href="/" target="_blank" rel="noopener noreferrer">Egemen.kz</a> БҚО санитарлық-эпидемиологиялық бақылау департаментінің ресми сайтына сілтеме жасап.</p>
БҚО санитарлық-эпидемиологиялық бақылау департаменті басшысының орынбасары Нұрлыбек Мұстаевтың өңірлік коммуникациялар қызметі алаңында өткен брифинкте мәлім еткеніндей, соның ішінде 64-і Орал қаласында, қалған 66-сы облыс аудандарындағы мектептерде білім алады.
«Күні бүгін қала мен аудандардың бас мемлекеттік санитар дәрігерлерінің қаулысымен 26 мектепте 38 сынып, орта білім беру ұйымдарында 3 және ЖОО-да 1 топ карантинге жабылды», деді ол.