Абайдың «Қарасөздері» экрандалып жатыр
<p class="-24" style="text-align: justify;"><span style="font-size: 23.0pt; line-height: 105%;"> </span></p> <p class="2018-" style="text-align: justify;">Президент телерадиокешені «Абай­­дың қарасөздері» кино­­жо­басының түсірілім жұмыста­­рын бастады. 15 бөлімнен тұра­­тын туын­ды «Ұлттық киноны қол­дау мемлекеттік орталығы­ның» қол­дауымен жүзеге асып отыр. Түсі­рілім жұмыстары Алматы қа­ласы мен Алматы облысының аумағында 25 қазанға дейін жал­ғасады.</p>
Телевизиялық жобаның әр сериясы толыққанды сюжетке құрылады. Сюжеттерде бас кейіпкердің рөлін Тұңғышбай Жаманқұлов, Нұрлан Әлімжанов, Жан Байжанбаев, Ерік Жолжақсынов, Аружан Жазылбекова, Берік Айтжанов, Аян Өтепберген, т.б. танымал қазақстандық актерлер сомдайды. Жоба авторлары күрделі режиссерлік шешімдер арқылы ойшылдың қарасөздерін жаңа қырынан ашуға тырыспақ.
Телерадиокешеннің бас директоры Раушан Қажыбаеваның айтуына қарағанда, ұжым бұл жобаға үлкен жауапкершілікпен кірісіп отыр. «Оның философиялық пайымдары мен даналығы уақыт өткен сайын өзекті бола түскен. Ақынның «Қарасөздері» қоғамның рухани-мәдени өміріне бағдар беріп тұр. «Ақыры ойладым: ойыма келген нәрселерді қағазға жаза берейін, ақ қағаз бен қара сияны ермек қылайын, кімде-кім ішінен керекті сөз тапса, жазып алсын, я оқысын, керегі жоқ десе, өз сөзім өзімдікі дедім де, ақыры осыған байладым, енді мұнан басқа ешбір жұмысым жоқ». Хакімнің сол айтқаны айнымай келіп, бүгін жұрт «қарасөзбен» жазылған рухани мұраны әлі азық етіп келеді», дейді Раушан Қажыбаева.