Қазан кинофестивалінде үздік атанды
<p style="text-align: justify;">Режиссер Фархат Шәріповтің «18 килогерц» фильмі ХVII Қазан халықаралық мұсылман кинофестивалінің бас жүлдесін жеңіп алды. «Үздік толықметрлі ойын фильмі» атанған кинокартина операторлық жұмысы үшін де марапатталды.</p>
Айта кетейік, «18 килогерц» фильмінің әлемдік тұсаукесері Варшавадағы халықаралық кинофестивальда өтіп, бас жүлдеге ие болды. Кейін Котбуста (Германия) өткен 30-шы халықаралық кинофестивальда да үздік атанды.
«18 килогерц» – 90-жылдардың соңындағы жасөспірімдердің өмірі баяндалатын көше тарихына құрылған. Фильмдегі басты рөлдерді дебютант актерлер сомдады: Мұсахан Жұмахан, Әлібек Әдікен, Камила Фун-Со. Кинокартина былтыр қазанда 36-шы Варшава халықаралық кинофестивалінің бас жүлдесін қанжығалап, сенсация орнатты. Одан бөлек Пусан халықаралық кинофестивалінің «Азия киносына терезе» атты конкурстық бағдарламасында көрсетілді.
XVII Қазан халықаралық мұсылман киносы фестивалі Татарстан Республикасының астанасында 5-10 қыркүйек күндері аралығында өтті. Биыл форумға 45 елдің кинематографистері өтінім берген.