Заңсыз сауда айналымына қарсы кешенді жоспар бекітілді

<p style="text-align: justify;">Қазақстан Үкіметінің 2021 жылғы 31 тамыздағы қаулысымен мемлекет шекарасындағы заңсыз сауда айналымына қарсы іс-қимылдың кешенді жоспары бекітілді, деп хабарлайды <a href="/" target="_blank" rel="noopener noreferrer">Egemen.kz</a>.</p>

Жоспар 3 бағытты қамтиды:

Заңнамалық процестер және халықаралық ынтымақтастық.
IT-инфрақұрылымын құру.
Бақылау рәсімін жетілдіру.

Атап айтқанда, келесілер жоспарланған:

Автомобиль өткізу пункттерінде электрондық кезекті енгізу бойынша пилоттық жобаны жүргізу;
Тауарлардың негізгі топтарының импортына мониторинг жүргізу, көлеңкелі айналым деңгейін төмендету жөнінде ұсыныстар әзірлеу;
Әкелінген сәттен бастап сатуға дейін таңбалауға жататын тауарларды бақылауды күшейту;
ТБЖ-да төмен тәуекел деңгейіндегі СЭҚ-қа қатысты селективті іріктеу тетігін қолдану;
ҚХР-дан ҚР арқылы транзитпен өтетін тауарлар көлеміне ҚХР кедендік статистикасымен алшақтықтардың болуы тұрғысынан бірлескен талдау жүргізу;
ЕАЭО елдерінің фискалдық органдары арасында экспорттық операциялар бойынша мәліметтер алмасу;
ҚР мен Қырғызстанның фискалдық органдары арасында экспорттық операциялар бойынша мәліметтер алмасуды жалғастыру;
«АСТАНА-1» АЖ интеграциясымен автомобиль өткізу пункттерінде электрондық кезек жүйесін енгізу;
Инспекциялық-тексеріп қарау кешендерінің рентген-суреттерін талдау кезінде жасанды интеллект тетіктерін енгізу.

Жоспарда барлығы 44 іс-шара қарастырылған.

Қаулы қол қойылған күнінен бастап қолданысқа енгізіледі.