Қазақстанда күріш пен бидай қымбаттады
<p style="text-align: justify;">ҚР Ұлттық банкі тамыз айындағы инфляциялық үрдістер туралы ақпарат жариялады, деп жазады <a href="/" target="_blank" rel="noopener noreferrer">Egemen.kz</a>.</p>
Инфляция әсерінен Қазақстанда азық-түлік, құрылыс материалдары, тұрғын үй жалдау, газбен жабдықтау бағасы өсті.
«Азық-түлік өнімдерінің өндірісі жылдық мәнде 14,4%-ға қымбаттады, тамызда ет-сүт, ұн, жарма мен макарон өнімдерінің бағасы өсті. Бұған ел ішінде де, шетелде де сатып алынатын шикізат пен ресурстарға, сондай-ақ өндіріс құралдарына бағаның тұрақты өсуі себеп болды.
Ауыл шаруашылығы өнімі тамыз айында 0,7%-ға, жылдық мәнде 14,2%-ға қымбаттады. Атап айтқанда, мал шаруашылығы өнімдерінен құс еті мен жұмыртқа бағасының өсуі жалғасты. Өсімдік шаруашылығы өнімдерінен тамыз айында күріш пен бидайдың қымбаттауы тіркелді», деп жазылған хабарламада.