Өзекті мәселелер басты назарға алынған
<p style="text-align: justify;">Мемлекет басшысы Қасым-Жомарт Тоқаевтың Қазақстан халқына арнаған кезекті Жолдауын түркістандықтар зор ықыласпен қабылдады деп айтуға болады. Өйткені Жолдауда елдің сөзі айтылды, халықтың қамын жеген ойлар қозғалды.</p>
Биылғы Жолдауда Президентіміз әлеуметтік маңызы бар мәселелерге ерекше екпін бергенін атап көрсеткім келеді. Әсіресе, Жолдаудың қарапайым халыққа жағымды тұстары – азық-түлік бағасын өсірмеу, ауылшаруашылық секторындағы (жайылым, агроөнеркәсіп) кемшіліктерді жою жөніндегі бастамалары болды.
Сонымен қатар Жолдауда денсаулық, білім, ғылым, спорт және цифрландыру салаларын әрі қарай дамыту керектігі айтылды. Мұның барлығы өскелең ұрпағымыздың қоғамда саналы азамат болып қалыптасуына әсер етеді.
Мемлекет басшысының Жолдауын қолдай келе, қазіргі пандемия заманында елімізге амандық, береке-бірлік, тыныштық тілеймін.
Әбдіхан ӘБДІҚАДЫРОВ,
Түркістан қалалық Қоғамдық келісім кеңесінің төрағасы