«Жасыл» өсу өрісі

Астанада Еуропа Одағы мен Дүниежүзілік банктің, Еуропа қайта құру және даму банкі мен Азия даму банкінің, АҚШ-тың техникалық даму бойынша агенттігі мен еліміздің Қоршаған орта және су ресурстары министрлігінің басшылары, сондай-ақ өкілдерінің қатысуымен Қазақстандағы «жасыл» реформаны техникалық қолдау мақсатында арнайы кездесу болып өтті.

Астанада Еуропа Одағы мен Дүниежүзілік банктің, Еуропа қайта құру және даму банкі мен Азия даму банкінің, АҚШ-тың техникалық даму бойынша агенттігі мен еліміздің Қоршаған орта және су ресурстары министрлігінің басшылары, сондай-ақ өкілдерінің қатысуымен Қазақстандағы «жасыл» реформаны техникалық қолдау мақсатында арнайы кездесу болып өтті.

Кездесуде Еуропа Одағының біз­дің елдегі өкілдігінің басшысы Аурелия Бушез Қазақстан Үкі­меті­нің «жасыл» және төмен кө­міртекті экономикасына өтіп жат­қан әрекетін Еуропа одағы жо­ғары бағалайтынын атап өтті. Мұ­нымен қатар, осы жылдың 22 қаңтарында Брюссельде өткен отырыс барысында Еурокомиссияның төрағасы Жозе Мануэль Баррозу, Еуропа Одағының климат және энергетикалық саясатына орай 2030 жылға дейін жасалған жаңа стратегиясы жөнінде әңгімеледі. Оның айтуына қарағанда, қабыл­дан­ған стратегия бойынша Еу­ро­па Одағы бәсекелестікке қабі­лет­ті төмен көміртекті экономи­ка­ны дамытуды жалғастыра бере­ді. Сөйтіп, 2030 жылға қарай пар­никтік газ шығарудың көлемін 40 пайызға дейін қысқартып, жаң­а қуат көздерін игерудің көр­сеткішін 27 пайызға арттырады екен. «Бұл шара инвесторлар үшін маңызды іс. Себебі, салынған ин­вестицияның қайтарымы мен энергияның қауіпсіздігін қам­та­масыз етуге мүдделі болуымыз ке­рек. Әрі «жасыл» жұмыс орнын көптеп ашу да күн тәртібінде тұрғанын айтқанымыз жөн», деді Аурелия Бушез.

Жиынға қатысушылар Қа­зақ­­станның «жасыл эконо­ми­ка­сының» дамуына ықпал ететін өзекті мәселелерді талқылады. Ал еліміз аймақтағы өзге мемле­кеттерге қарағанда «жасыл эко­номиканы» дамыту мәселесін бұ­рынырақ қолға алған болатын. Бұл тұрғыдағы атқарылатын жұмыстар тұжырымдамасын Президент Нұрсұлтан Назарбаев өткен жыл­дың мамыр айында бекітті. Осы арқылы экологиялық ахуалды жақ­сартуға, экономиканы одан әрі өр­кен­детуге негіз қаланып отыр.

Қазақстанның «жасыл эко­но­микаға» көшуі тұрақты дамуды қамтамасыз етіп, 2050 жылға қарай әлемдегі дамыған 30 елдің қатарына енуіне өз септігін ти­гі­зеді. Тұжырымдаманы тиімді түр­­де іске асырған күнде, адам­­­дардың озық технология­ны мең­геруіне жол ашылады. Сон­дай-ақ, ЭКСПО-2017 ха­лық­ара­­лық көрмесінде де осы та­қы­рыптың қозғалатыны және оны бірлесіп атқаруға мүдделес мем­лекеттердің ниет білдіретіні даусыз.

Сарапшылар біз сөз еткен тұ­жырымдаманың нәтижесін жоғары бағалап, оны үздіксіз дамытып отыру өзекті мәселе екенін атады. Осыған қатысты арнайы құрылған халықаралық қолдау тобы «жасыл» өрісті дамыту жолында мүдделес елдердің жұмыстарын бір арнаға топтастыруы керек. Екін­ші жағынан мамандардың біліктілігін арттыру да өзекті мәселенің бірінен саналады.

Бүгінгі таңда Еуропа мен Орта­лық Азияда өнім өндіруге орта есеппен алғанда 50 пайыз қуат көзі жұмсалады екен. Ал біздің елдің өндірісінде қуат көзін пайдалану 62 пайызға жуықтайды. Бұл ретте жылуға 43 пайыз электр қуаты шығындалатынын ескеруіміз керек. Осыған орай, әлем бойынша «жасыл экономиканы», оның ішінде баламалы қуат көзін тиімді пайдалану мәселесі күн тәртібіне өткір қойылып отыр.

«Егемен-ақпарат».