Қазақстан мен АҚШ әскери күштері БҰҰ стандарттарын талқылады
<p style="text-align: justify;">Қазақстандық әскери дәрігерлер америкалық әріптестерімен медициналық логистика саласында тәжірибе алмасты, деп хабарлайды <a href="/" target="_blank" rel="noopener noreferrer">Egemen.kz</a> ҚР Қорғаныс министрлігінің баспасөз қызметіне <a href="https://www.gov.kz/memleket/entities/mod/press/news/details/260773?lang=ru" target="_blank" rel="noopener noreferrer">сілтеме</a> жасап.</p>
АҚШ-тың қауіпсіздік саласындағы әскери ынтымақтастық кеңсесі ұйымдастырған іс-шара Алматы қаласында, Қазақстан Республикасы Қорғаныс министрлігінің әскери медицина орталығында өтті.
Іс-шараға Қазақстан Қарулы Күштері Бас әскери-медициналық басқармасының және Қорғаныс министрлігінің әскери клиникалық госпиталінің өкілдері қатысты.
Америкалық сарапшылар медициналық логистика саласындағы тәжірибелерімен, тактикалық тәсілдер жүйесімен, әдістер мен іс-қимылдармен бөлісті. Әскерлердің қызметін медициналық қамтамасыз етуде БҰҰ стандарттарын қолдануға ерекше назар аударылды.
