Футзалдан әлем чемпионаты: Қазақстан ширек финалда Иранмен ойнайды
<p style="text-align: justify;">Бүгін Қазақстан құрамасы футзалдан әлем чемпионатының ширек финалында Иранмен шеберлік байқасады, деп хабарлайды <a href="/" target="_blank" rel="noopener noreferrer">Egemen.kz</a>.</p>
Ирандық құрама 1/8 финалда Өзбекстан құрамасын 9:8 есебімен тізе бүктірді. Ал Қазақстан жарыстың аталған сатысында Таиландтан 7:0 есебімен басым түсті.
Кездесу бүгін елорда уақытымен 23:00-де басталып, «Qazsport» телеарнасынан тікелей эфирде көрсетіледі.
Бұған дейін әлем чемпионатының ширек финалында Бразилия Марокконы 1:0 есебімен жеңсе, Ресей Аргентинаға қосымша кезеңде 1:2 есебімен жол берді.
Осылайша жартылай финалдағы алғашқы жұп анықталып, онда Аргентина мен Бразилия сынға түспек. Топтық кезеңде Қазақстан құрамасы Коста-Рикадан 6:1, Литвадан 3:0 есебімен басым болды. Ал Венесуэламен 1:1 есебімен тең түсті.
Қазақстан құрамасы бұдан бұрын әлем чемпионаты финалдық сатысында екі мәрте бақ сынады. 2000 жылы бірінші кезеңнен аса алмаса, 2016 жылы 1/8 финалға дейін жетті.