«Атамекен» экспедициясы көне Сайрамды аралады · Соңғы жаңалықтар мен оқиғалар

<p style="text-align: justify;">Ел тәуелсіздігінің 30 жылдығына орай «Егемен Қазақстан» республикалық газеті бастаған «Атамекен» экспедициясының мүшелері Сайрамның киелі кесенелерін аралады, деп хабарлайды <a href="/" target="_blank" rel="noopener noreferrer">Egemen.kz</a>.</p>

Сонау көне замандарда Ұлы Жібек жолындағы басты сауда және мәдениет орталықтарының бірі болған шаһардың көшпелі өркениет үшін мән-маңызы аса жоғары болды. Содан болар, бұл өңірде кесенелер, киелі мазарлар мен сәулет кешендері сияқты ортағасырлық ескерткіштер өте көп.

«Атамекен» танымдық экспедиция мүшелері әуелі Ибраһим Ата кесенесіне жол тартты.

Ибраһим Ата - Қожа Ахмет Йасауидің әкесі. Сайрамда Ибраһим Ата мен оның зайыбы Қарашаш Ана кесенесі киелі орындардың бірі деп есептелінеді.

Журналистер «Хызыр» мұнарасына да барды. Мұнараның биіктігі жер сілкінісі салдарынан 10,5 метрден 5,7 метрге дейін қысқарған. Десе де, мұнараны зерделеп, реставрация жүргізу мақсатында тарихшы-археологтардан құралған топ бірлесіп жұмыс атқаруда.

Қазіргі Сайрам баға жетпес жәдігерлерге тұнып тұрған ашық аспан астындағы мұражайды еске салады. Осынау көне қала экспедиция мүшелерінің саяхатын түрлендіре түсті.