Римде тарихи көпір өрт салдарынан опырылып түсті

<p>Сенбі күні кешке Римнің оңтүстігінде Индустрия көпірі өртке оранды, деп жазады <a href="/" target="_blank" rel="noopener noreferrer">Egemen.kz.</a></p>

La Repubblica басылымының деректері бойынша, қуанышқа орай, адам шығыны болмаған.

Рим тұрғындары арасында «Темір көпір» атанып кеткен көпір 1862-1863 жылдары салынған. Ол Италия астанасының оңтүстік аудандары Маркони мен Остиенсені жалғастырып жатқан. Өрт салдарынан көпірдің кейбір бөлігі Тибр өзеніне құлап кетті.

Сондай-ақ тілсіз жау салдарынан Остиенсе ауданындағы үйлер су, электр қуаты мен көгілдір отынсыз қалды.

Қазір өрт себептері анықталуда. Куәгерлердің сөзінше, бастапқыда көпір астындағы салынған құрылыстар өртене бастаған. Кейіннен көпірді де шарпыған.