Нұр-Сұлтанда тұрғын үй өртеніп кетті

<p style="text-align: justify;">Нұр-Сұлтан қаласында тұрғын үй өртеніп кетті, деп хабарлайды <a href="/" target="_blank" rel="noopener noreferrer">Egemen.kz</a>.</p>

Елордалық ТЖД мәліметінше, сағат 16:35-те өрт сөндіру бөлімшелері Біржан сал, 6 мекен-жайы бойынша №3 жоғары шақыру нөмірі бойынша шықты.

«Өрт сөндірушілер келген соң тұрғын үй мен ломбард үй-жайының екінші қабатында пәтер жанып жатқаны анықталды. Өрт сөндірушілердің жедел және үйлесімді әрекеттерінің арқасында өрт 16:58-де ауыздықталды. Өртті сөндіру кезінде бір адам құтқарылып, 15 адам қауіпсіз жерге көшірілді», делінген хабарламада.

Өртті сөндіруге елордалық ТЖД Өрт сөндіру бөлімшелерінің 8 техникасы мен 22 жеке құрамы жұмылдырылды.