Шорт-тректен Қазақстан құрамасы жаңа маусымға дайындығын бастады

<p style="text-align: justify;">Шорт-тректен Қазақстан ұлттық құрамасы елордада оқу-жаттығу жиындарын жалғастыруда, деп хабарлады <a href="/">Egemen.kz</a>.</p>

Ұлттық құрама 2021/2022 жылғы маусымды Бейжіңде әлем кубогінен бастайды. Осыған орай бас бапкер Мәдіғали Қарсыбеков Олимпиада қарсаңында жолдама үшін жанын салатын спортшылар есімін атаған болатын. Жаңа маусымда 12 спортшы шорт-тректен әлем кубогі кезеңдеріне қатысып, жолдаманы сарапқа салады.

Елордада өтіп жатқан оқу-жаттығу жиындарында бапкер басты мақсат - төртжылдықтың басты додасына жолдама жеңіп алу керек екенін де жасырмады.

«Қазіргі таңда ең бірінші мақсатымыз, жоспарымыз - Олимпиада ойындарына лицензия алу. Лицензияға ие болғаннан кейін Олимпиадаға дайындыққа кірісеміз», деді Мәдіғали Қарсыбеков.

Айта кетерлігі, шорт-трекшілер 16 қазанға дейін ел астанасындағы Алау мұз айдынында дайындығын жалғастырады.