Қолөнершілерге жасалған қолдау
<p style="text-align: justify;">Жайық өзенінің жаға­лауында атыраулық қол­өнер шеберлері мен дизайнерлер үшін арнайы аллея ашылды. Онда әр аптаның соңында «Ұлттық қолөнер – тәрбие көзі» атты көрме-жәрмеңкесі өтеді. Оған облыстық «Іс­кер әйелдер» кеңесі мен Аты­рау қалалық әкімдігі қол­дау көрсетіп отыр.</p>
– Көрме-жәрмеңкенің басты мақсаты – кәсіпкерлерді қолдау, олардың өнімін өткізуіне жағдай жасау. Сондай-ақ ерекше нақыштағы ұлттық қолөнер туындылары арқылы қазақ халқының салт-дәстүрін, тарихын, мәдениетін кеңінен дәріптеу, – дейді Атырау қаласы әкімінің орынбасары Самат Емберген.
Жас дизайнер Әлбина Сиғуатованың айтуынша, бұл – жас кәсіпкерлерге отандық өнімдерін ұсынуға арналған тиімді жоба. Мұнда ұсынылатын әр өнімнің сапасы жоғары, бағасы тұтынушыға қолжетімді болмақ.