Қазақстан мен Өзбекстан Сенаттары арасында келіссөздер өтті
<p style="text-align: justify;"><span class="s3"><span class="bumpedFont15">Ташкентте Қазақстан Парламенті Сенаты Төрағасының орынбасары Асқар Шәкіров Өзбекстан </span></span><span class="s3"><span class="bumpedFont15">Олий Мажлисі</span></span><span class="s3"><span class="bumpedFont15"> Сенаты Төрағасының Бірінші орынбасары Содик Сафоевпен кездесті. </span></span><span class="s3"><span class="bumpedFont15">Кездесуде Сенат Спикері Мәулен Әшімбаевтың Өзбекстанға ресми сапары аясында </span></span><span class="s3"><span class="bumpedFont15">қабылданған </span></span><span class="s3"><span class="bumpedFont15">«2021-2022 жылдарға арналған парламентаралық ынтымақтастықты</span></span><span class="s3"><span class="bumpedFont15"> дамыту жөніндегі жол картасын</span></span><span class="s3"><span class="bumpedFont15">»</span></span> <span class="s3"><span class="bumpedFont15">іске асыру барысы талқыланды, деп хабарлайды <a href="/" target="_blank" rel="noopener noreferrer">Egemen.kz</a>.</span></span></p>
Сұхбаттасу кезінде тараптар туризм, экология, су ресурстарын басқару, инвестиция салаларындағы екіжақты байланыстың құқықтық базасын жетілдіру бойынша өзара іс-қимыл мәселелеріне баса мән берді. Шекара маңындағы ынтымақтастықты арттыру, шағын және орта бизнесті дамыту және Арал проблемасына қатысты мәселелерге де ерекше назар аударылды.
Сонымен қатар кездесуде екі елдің Сенаттары арасындағы Ынтымақтастық жөніндегі комиссияның осыған дейін өткен отырысының Хаттамасына қол қойылды.
Іс-шараға қазақстандық сенаторлар Ақмарал Әлназарова мен Әлімжан Құртаев қатысты. Олар Өзбекстанға ЕҚЫҰ ПА мен ТМД ПАА-ның байқаушылар миссиясы құрамында елдегі президент сайлауына мониторинг жүргізу үшін барған болатын.
Ташкентке президент сайлауына байқаушы ретінде барған Сенат Вице-спикері сайлау алдындағы іс-шаралар аясында Өзбекстан Олий Мажлисі Заң шығару Палатасының Спикері Нурдинжон Исмоиловпен және Өзбекстан Орталық сайлау комиссиясының Төрағасы Зайниддин Низамходжаевпен кездесті.
Сондай-ақ Вице-спикер халықаралық байқаушылармен, атап айтқанда ЕҚЫҰ ПА-ның Төрағасы Маргарет Седерфельтпен кездесті. Онда Орталық Азия елдерінде орнықты даму мақсаттарын одан әрі дәріптеу мәселесі және Ауғанстандағы ахуал сөз болды.