Агапова UFC-мен жұмысын жалғастыруға ниетті
<p style="text-align: justify;">Аралас жекпе-жектен UFC тарихындағы алғашқы қазақстандық жауынгер қыз Мария Агапова (10-2) әлемдегі әйгілі промоушенмен жұмысын жалғастыруға ниетті, деп хабарлайды <a href="/" target="_blank" rel="noopener noreferrer">Egemen.kz</a>.</p>
Ол өзінің Instagram әлеуметтік желісіндегі парақшасында «Жаңа келісімшартты күтіп жүрген жайым бар», деген жазба қалдырды.
Мария Агапова UFC-де 2020 жылдың маусым айында дебюттік жекпе-жегіне шыққан болатын. Алғашқы шайқасында ол бірінші раундта америкалық Ханна Сайферсті мерзімінен бұрын жеңген. Кейін Мария тағы бір америкалық Шейна Добсонға есе жіберді.
Бұдан соң ол UFC-де екінші мәрте жеңіске жетті. Үшінші раундта қазақстандық спортшы колумбиялық Сабин Мазоны (9-3) нокдаунға жіберді, содан кейін оны тұншықтырып, қарсыласын өз еркімен берілуге мәжбүрледі.