Махмұд Сабырханның жарқын жеңісі

<p style="text-align: justify;">Белград төрінде керілген шаршы алаңда қазақ боксшылары ойдағыдай нәтижелерімен қуантуын жалғастыруда, деп хабарлайды <a href="/" target="_blank" rel="noopener noreferrer">Egemen.kz</a>.</p>

54 кило салмақ дәрежесінде сынға түсіп жатқан Махмұд Сабырхан да жанкүйерлердің сенімін ақтады. Әлем чемпионатында майталман мамандар тарапынан мадақты көп естіген сайыпқыранымыз ширек финалда бразилиялық Майкл Тринидадпен қолғап түйістіріп, қарсыласынан айласын асырды. Осылайша қоржынымызға екінші жүлде түсті. Теміртас Жүсіповтің жеңісті жолын жалғастырған Махмұд Сабырхан финалға шықса деген тәтті тілек бар.