Қазақстанда тұрғын үй бағасы қымбаттады
<p style="text-align: justify;">Қазақстанда тұрғын үйді жалға алу жыл ішінде 19%-ға қымбаттады, деп хабарлайды <a href="/" target="_blank" rel="noopener noreferrer">Egemen.kz</a>.</p>
2021 жылдың қазан айында жалға берілетін тұрғын үй құны 2020 жылдың сәйкес кезеңімен салыстырғанда рекордтық 18,5%-ға өсті. Бір жыл бұрын бағаның өсуі 9,8%-ды құрады.
«Өңірлік бөліністе бағаның жылдық өсуі Алматы облысында 4,2%-дан, Батыс Қазақстан облысында 37,4%-ға дейін құбылды. БҚО-дан басқа, сектордағы бағаның айтарлықтай өсуі Алматы мен Шымкенттің жалға алушыларына қатысты болды - сәйкесінше 35% және 33,8%», делінген Energyprom.kz зерттеуінде.
Сарапшылардың мәліметтерінше, қыркүйек айына қарай бағаның өсуі 1,1%-ды құрады. Ай сайынғы бағаның едәуір өсуі тамыз айында байқалды.
Қыркүйек айында абаттандырылған тұрғын үйді жалға алу төлемі 2,1%-ға өсіп, ел бойынша орташа шаршы метріне 1877 теңгені құрады.