«Айжан қыз» – бас жүлдегер
<p style="text-align: justify;">Атырауда Н.Тілендиев атындағы кіші өнер академиясы оқушыларды өнердің сан саласына баулиды. Мұнда оқу­шылар сурет салуға ма­шық­танады. Ән айту­дың қыр-сырын мең­гереді.</p>
Академияда 25 жыл бұрын «Айжан қыз» би ансамблі құрылған. Хореограф Айжан Артығалиева жетекшілік ететін ансамбль мүшелері мың бұрала би билейді. Жас бишілерге хореограф Сәуле Жаскеленова би түрлерін үйретеді.
– Ансамбльдің жас бишілері 31 қазан мен 6 қараша аралығында Түркияның Анталия қаласында өткен халықаралық Dance Format конкурсына қатысты. Жас бишілеріміз аталған конкурстың екі аталымында бас жүлдені жеңіп алды, – дейді академия директоры Долорес Тасқарина.
Оның айтуынша, ансамбль мүшелері конкурс кезінде Түркия мен Ресейдің танымал бишілері өткізген шеберлік сабақтарынан дәріс алған. Сондай-ақ Анталиядағы би мектептерінде тақырыптық тәжірибе алмасуға, би баттлына қатысқан.
Атырау облысы