Қоңыр үнді сазсырнай
<p style="text-align: justify;">Елорда филармониясында тұңғыш рет сазсырнай және оның түрлерімен шығармашылық концерт өтті.</p>
«Сарыарқа» фольклорлық ансамблінің әртісі – Омар Райханның «Көнеден жеткен сырлы әуен» атты кештің ерекшелігі – домбыра үнінен бөлек уілдек, тастауық, сазсырнай, шаңқобыз, үскірік, жетіген, құссайрауық, сынды музыкалық аспаптармен шығармалар жекелей орындалды.
Кеш барысында республикалық және халықаралық конкурстардың лауреаттары – Сәулежан Тағзия, Перизат Тұрарова, Қарагөз Гасимова, Айбала Бейсенова, Оспан Құлсымақ, Сандуғаш Тұрғанбекқызы, Көркем Шолошова мен «Шалқыма» халық би ансамблі өнер көрсетті.
Елімізде алғаш өткізілген сазсырнай және оның түрлерімен үндескен өзгеше кеш көрермендерді ерекше әсерге бөледі. Концерттің көркемдік жетекшісі – «Мәдениет саласының үздігі» Тоғжан Жахин.