«Тұжырымдамалық құжатты» қабылдады
<p style="text-align: justify;">Түркітілдес мемлекеттер ынтымақ­тас­­тығы кеңесіне (Түркі кеңесі) мүше мем­ле­кеттердің басшылары жұма күні Ыс­танбұлда кездесіп, Жасыл техноло­гия­­лар мен ақылды қалаларға ерекше на­зар аударды.</p>
Түркия тарапының мәлімдемесінде «Цифрлық дәуірдегі жасыл технологиялар мен ақылды қалалар» Түркі кеңесінің VIII саммитінің тақырыбы болды.
Әзербайжан Президенті Ильхам Әлиев, Қазақстан Президенті Қасым-Жомарт Тоқаев, Қырғызстан Президенті Садыр Жапаров және Өзбекстан Президенті Шавкат Мирзиёев Ыстанбұл маңындағы Мәрмәр теңізіндегі аралда Түркия Президенті Реджеп Тайып Ердоған ұйымдастырған кездесуге қатысты.
Мажарстан Премьер-министрі Виктор Орбан мен Түрікменстан Президенті Гурбангулы Бердімұхамедов бақылаушы мемлекеттер мәртебесіне ие өз елдерін таныстырып, саммитке қосылды.
Көшбасшылар барлық саладағы ынтымақтастықты одан әрі дамыту жолдарын талқылап, келесі екі онжылдыққа арналған «тұжырымдамалық құжатты» қабылдады.