Футзалдан Қазақстан құрамасы Өзбекстанмен екі ойын өткізеді
<p style="text-align: justify;">Екі футбол Федерациясы арасындағы келіссөздер барысында тиісті уағдаластыққа қол жеткізілді, деп хабарлайды <a href="/" target="_blank" rel="noopener noreferrer">Egemen.kz</a> ҚР Ұлттық Олимпиада комитетіне сілтеме жасап.</p>
Еуро-2022 чемпионатына дайындық аясында Қазақстан құрамасы бас бапкер Рикардо Каканың басшылығымен Өзбекстан құрамасына қарсы екі жолдастық кездесу өткізеді.
Ойын 2021 жылдың 14 және 15 желтоқсанында елордадағы Жақсылық Үшкемпіров атындағы жекпе-жек сарайында өтеді. Кездесу 19:00-де басталады.
Еске сала кетсек, Қазақстан 19 қаңтар мен 6 ақпан аралығында Нидерландыда өтетін Еуро-2022 чемпионатына қатысады. Қазақстандықтардың В тобындағы қарсыластары Словения, Италия және Финляндия болады.