Қытайда бала саудасы әшкереленді

Қытайдың полиция қызметкерлері елдегі 27 провинция мен автономиялық аудандарда бала саудасымен айналысты деген күдікпен мыңнан аса адамды тұтқындады. Бұл туралы РИА «Новости» хабарлады. Өткен жыл соңында Пекин мен Цзянсу провинциясының полицейлері жаңа туған нәрестелер мен мектеп жасына дейінгі балаларды асырап алу қызметін ұсынған төрт бірдей интернет сайтты тексерген болатын. Құқық қорғау қызметкерлері жүргізген жедел іздестіру шарасы барысында интернет арқылы бүлдіршіндерді саудаға салған деген күдікпен 1094 адам қамауға алынып, қаскөйлердің қолында болған 382 бала құтқарылды. Қытай қоғамдық қауіпсіздік министрлігі хабарлағандай, қазір ұсталған күдіктілердің үстінен қылмыстық іс қозғалды. Айдар Өрісбаев. Дереккөз: Ria.ru. Фото: Reuters.com.